A Asociación Cultural “Vagalumes” organiza para este mércores 7 de decembro, ás 20:30 na sala de exposicións de Caixanova da Estrada, a presentación do proxecto de comunicación “Sermos Galiza”, que pretende cubrir o baleiro existente de información na nosa lingua desde e para Galiza. Esta iniciativa social pretende implicar a todos e todas na implementación dun grupo de base plural e participativa que dea o soporte a necesario para crear un medio informativo axeitado á nosa realidade e no noso propio idioma.

Intervirá no acto os representantes do grupo promotor Nestor Rego e Teresa Moure para expoñer as bases do proxecto e responder as dúbidas de todas as persoas interesadas en incorporarse a el.

Pregamos a difusión desta convocatoria polo interese para a nosa cultura e á necesaria extensión da liberdade de expresión da nosa Terra.